pu la jan li ken sitelen e toki-pona kepeken sitelen [_lawa _ale _tawa _ijo _nasin] anu sitelen-pona anu sitelen sitelen (ni li sama sitelen suwi). tenpo pini la jan li ken kepeken sitelen [_lawa _ale _tawa _ijo _nasin] taso lon ilo sona tan ni: ilo sona li jo e sitelen pi toki ma li jo ala e sitelen pi toki sin. tan ni la jan pi toki pona li pali e sitelen-pona pi ilo sona.

jan [_waso _esun _suno _ilo] li pali e sitelen-pona pi ilo sona pi nanpa wan lon tenpo sike 2014. sina sitelen kepeken luka la sitelen sina li sama sitelen pi jan jan [_waso _esun _suno _ilo]. sitelen ona li pona li ken pali e sitelen wan taso. sina ken lukin e sitelen ni lon lipu ni.

jan [_ilo _nena _ken _esun _pana _ale _len _esun] li pali e sitelen ni lon tenpo sike 2019. nimi pi sitelen ona li linja pimeja. linja pimeja li sama sitelen jan kepeken luka. sina ken kama jo e sitelen ni lon lipu ni.

jan [_suno _ale _musi _esun] li pali e sitelen sin pi ilo sona tan sitelen pi jan [_waso _esun _suno _ilo]. nimi pi sitelen ona li linja pona. sina ken pali e sitelen mute kepeken linja pona tan ni: sitelen tu li ken kama sitelen sin wan. jan [_suno _ale _musi _esun] li pali e linja pona pi nanpa 1.0 e linja pona pi nanpa 2.0 e linja pona pi nanpa 3.0 e linja pona pi nanpa 3.5 e linja pona pi nanpa 3.6 lon tenpo sike 2020. jan [_suno _ale _musi _esun] li pali e sitelen sin mute tawa linja pona pi nanpa sin. mi kepeken linja pona lon lipu mi. sina ken kama jo e linja pona tan lipu ni.

jan [_tawa _esun _pana _uta] li pali e linja pona pi nanpa 4.0 e linja pona pi nanpa 4.2. sina ken wan e sitelen tu ale kepeken linja pona ni. jan [_tawa _esun _pana _uta] li pali e sitelen pi ilo sona pi sona mute. tan ni la ilo sona ken pali e sitelen sin. sina ken kama jo e linja pona ni tan lipu ni.

ni li sitelen pi ilo sona ala. mi pali e sitelen musi taso. sitelen ni li sama sitelen [_8 _- _pana _ilo _tu _uta]. tenpo pini la musi pi ilo sona li kepeken sitelen [_8 _- _pana _ilo _tu _uta]. sitelen ni la sitelen wan li lon insa poki pi 8×8. poki weka li lon ala poka poki pi 8×8. tan ni la sitelen en weka li lon insa poki 8×8 sama ni: sitelen li lon insa poki 7×7, taso weka li lon insa poki 1×7 lon poka sitelen li lon insa poki 8×1 lon sewi sitelen. jan [_u_/ _s _i _c _t _o_ _a_ _b _u] pi lipu [_waso _esun _suno _ilo] li pali e sitelen-pona pi poki 5×7 lon lipu ni. ilo sona lili li ken kepeken sitelen 5×7 ni. sina ken lukin e sitelen [_8 _- _pana _ilo _tu _uta] ante lon lipu ni.